Sekretari organizativ i Lidhjes Demokratike të Kosovës, Arban Abrashi, ka treguar se bashkë me zëvendësministrin e Drejtësisë, Florian Dushi, dje kanë dorëzuar komentet në Gjykatën Kushtetuese lidhur me kushtetueshmërinë e Dekretit të dorëzuar nga presidenti Hashim Thaçi ditë më parë. Abrashi ka shkruar në “Facebook” se LDK-ja është e bindur se Dekreti për nominimin e kandidatit të LDK-së, Avdullah Hoti, është në përputhje të plotë me Kushtetutën.

Shkrimi i tij:

Sot me Florian Dushi, dorëzuam komentet në Gjykatën Kushtetuese lidhur me kushtetuetshmërinë e Dekretit 24/2020, në rastin KO 72/20

Florianin e falenderoj për komentet e punuara në mënyrë profesionale, e që konfirmojnë se Dekreti është në përputhje të plotë me Kushtetutën e Republikës së Kosovës, duke u bazuar në çështjet që ndërlidhen me mandatin e deputetit, me “Travaux Preparatoires”, aktgjykimin e Gjykatës Kushtetuese KO 103/14, seancën e 22 gushtit 2019, qëndrimet publike të Kryetarit të LVV-së etj.

Siç kemi cekur edhe më herët jemi të bindur që Dekreti për nomininin e kandidatit të LDK-së, z. Avdullah Hoti, është në përputhje të plotë me Kushtetutën.

(B. D.: “Epoka e re”)