Delawie i komenton deklaratat e djeshme të Vuçiqit: Serbia është luftënxitësja, jo Kosova
Ish-ambasadori i Shteteve të Bashkuara të Amerikës, Greg Delawie, ka thënë se “Serbia është kërcënimi real për paqen në Ballkan e jo Kosova”.
Ai përmes një postimi në llogarinë e vet në “Twitter”, ka thënë se “NATO do ta bëjë punën e saj”, duke iu referuar kërcënimit potencial të paqes nga Serbia.
“Luftënxitës në Ballkan nga Vuçiq. Mos gaboni, Serbia është kërcënimi real për paqen këtu, jo Kosova. KFOR, forca paqeruajtëse e NATO-s, do të bëjë punën e saj. Kjo është një histori e shkruar mire”, ka shkruar ai.
Të dielën, presidenti i Serbisë, Aleksandër Vuçiq, përmes një adresimi ka thënë se “nëse NATO s’i mbron serbët atëherë këtë do ta bëjë Serbia”.
Kjo deklaratë ka ngjallur shqetësime dhe reagime në arenën ndërkombëtare.
Warmongering in the Balkans from Vucic. Make no mistake, Serbia is the real threat to peace here, not Kosovo. #KFOR, the #NATO peacekeeping force, will do its job. This is a well-written story that does not "both sides" the situation. https://t.co/Hlmt8RvPun
— Ambassador Greg Delawie (@GregDelawie) August 22, 2022
