Ambasadori amerikan në Kosovë, Greg Delawie, ka thënë se është viti që Kosova duhet të tejkalojë dallimet me Serbinë.

Delawie ka bërë me dije se duhet të arrihet marrëveshje përfundimtare.

“Vetëm kjo i hap Kosovës rrugën e integrimit. Ju ende vuani nga mosnjohja e shtetit, pasojat vërehen sidomos në aspektin ekonomik dhe në investime, ju nuk do të mund të bashkoheni në NATO ose EU pa normalizuar marrëdhëniet me Serbinë”, ka thënë ambasadori Delawie gjatë Ceremonisë së shënimit të 242-vjetorit të Pavarësisë së SHBA-së, që po mbahet në Prishtinë.