Kryetarja e Komisionit për Integrime Evropiane, Blerta Deliu-Kodra, ka pritur sot në takim ambasadoren e Kroacisë në Kosovë, Marija Kapitanoviq.

Me këtë rast, kryetarja Deliu-Kodra e ka falënderuar diplomaten kroate për bashkëpunimin dhe mbështetjen e shtetit kroat për Kosovën në procesin e integrimit evropian dhe në fushat e tjera.

Ajo e ka njoftuar ambasadoren Kapitanoviq për hapat që vendi ynë ndërmarrë në procesin e integrimit evropian si dhe për sfidat me të cilat përballet aktualisht.

Deliu-Kodra i ka uruar ambasadores Kapitanoviq suksese në detyrat e saj të reja, pas përfundimit të misionit në Kosovë, si dhe ka shprehur gatishmërinë për të vazhduar bashkëpunimin edhe në të ardhmen.

Kurse, ambasadorja Kapitanoviq e ka falënderuar kryetaren Deliu-Kodra për bashkëpunimin gjatë kohës sa ajo ishte në krye të misionit diplomatik të Kroacisë në Prishtinë.

/Epoka e re/