Komandanti i Ushtrisë Çlirimtare të Kosovës (UÇK), Ilaz Kodra, ka rënë në altarin e lirisë më 30 prill 1999-të bashkë edhe me 315 dëshmorë dhe martirë të tjerë nga Drenica.

Në nderim të tyre, sot Kuvendi i Kosovës ka mbajtur seancë solemne.

Për figurën e heroit ka folur edhe deputetja e Partisë Demokratike të Kosovës, Blera Deliu-Kodra.

Ajo ka thënë se Ilaz Kodra, ishte sinonim i shpirtit liridashës.

“Nuk ka më të vlefshme sesa jeta, e nuk ka më të çmueshme se liria. Prandaj për liri do ta jap edhe jetën”, ka cituar ajo heroin Ilaz Kodra.

Komandanti Ilaz Kodra, ishte një nga luftëtarët e orëve të para të Ushtrisë Çlirimtare të Kosovës (UÇK).

Ai ishte edhe një nga bashkëpunëtorët më të afërt të komandantit legjendar Adem Jashari.