Deputetja e Partisë Demokratike të Kosovës (PDK), Blerta Deliu, ka reaguar pas moskrijimit të komisionit hetimor për shpenzimet e buxhetit në energji elektrike.

Ajo ka thënë se është i papranueshëm pengimi i konstituimit të Komisionit Hetimor për keqpërdorimet e energjisë elektrike nga mazhoranca.

Deputetja Deliu përmes një postimi në llogarinë e vet në “Facebook” ka shkruar se mazhoranca duke u thirrur në çështje teknike nuk po lejon që të hidhet dritë mbi keqpërdorimet e shumta që janë bërë me rastin e blerjes së energjisë elektrike.

“Çka ka këtu për tu fshehur?! Pse po ju pengon hetimi?!”, ka shkruar Deliu.