Ish-deputeti i Kuvendit të Kosovës dhe ish-luftetari i lirisë, Fadil Demaku, ka përkujtuar heroin e Kosovës, Afrim Kiçina.

Demaku ka thënë se Kiçina ka rënë në fushën e nderit më 25 shtator të vitit 1998 në një përballje nga afërsia me forcat e Serbisë.

“Sot me ish-bashkëluftëtarë bëmë homazhe tek vendi i rënies së heroit Afrim Kiçina në Abri të Epërme. Afrimi ishte pjesëtarë i Brigadës 111 Adem Jashari, i cili ra heroikisht më 25 shtator 1998 mes fshatrave Abri dhe Likoc në një përballje nga afërsia në luftime me forcat serbe.  Lavdi!”, ka shkruar Demaku në “Facebook”.