Reprezentuesi francez, Ousman Dembele gjendet në Paris për të përmbyllur njëherë e mirë marrëveshjen me parisienët.

Gazeta franceze “L’Equipe”  ka raportuar se sulmuesi 26-vjeçar sot (e enjte) do t’i nënshtrohet testeve mjekësore si dhe do të nënshkruajë kontratë për 5 sezonet e ardhshme me Paris Saint-Germain (PSG).

Po ashtu,  trajneri i PSG-së, Luis Enrique mund të llogarisë në shërbimet e tij të shtunën në ndeshjen kundër Lorient në kuadër të javës së parë të Ligue 1.