Deputeti i Kuvendit të Kosovës, Bekë Berisha ka reaguar pas dëmtimit të tabelës së rrugës që mban emrin e dëshmorit Kasim Shala në fshatin Ruhot të Komunës së Pejës.

Berisha ka thënë se kjo është hera e tretë që përdhosen emrat e heronjve në Pejë, prandaj Policia e Kosovës duhet që t’i sjell para drejtësisë keqbërësit.

“Është hera e tretë që përdhosen emrat e heronjve në Pejë në vende të ndryshme! Policia e Kosovës të hetoj dhe të sjell para drejtësisë keqbërësit”, ka shkruar Berisha.

Pas këtij akti qyqar ka reaguar me herët edhe motra e dëshmorit Kasim Shala, Safete Shala. “Hienat vetëm natën përdhosin vlerat se ditën ju shihen fytyrat. Kushdo që e ka bërë marrë ju qoftë. Ju jetë në ndërgjegje dhe familje… Turpi ju mbuloftë…”, ka shkruar Safete Shala në “Facebook”.