Dëshmitari Demush Krasniqi me të hyrë në seancën e Speciales, i ka përshëndetur krerët e UÇK-së.

Këtë ka thënë se ia kanë kërkuar miqtë, gjë që nxiti reagimin e ZPS-së.

“Kur e kam marrë ftesën për të ardhur këtu e për të dëshmuar si ish-UÇK-së kam pas shumë mysafir, me kanë përcjellë shumë veteranë e në mesin e tyre kisha edhe të fshatrave përreth dhe porosia e tyre ishte që unë personalisht t’i përshëndes krerët e Ushtrisë Çlirimtare të Kosovës, presidentin Hashim Thaçi, kryeparlamentarin Jakup Krasniqin, Kadri Veselin dhe deputetin Rexhep Selimin. Ma dhanë këtë porosi miqtë, shokët që unë këtë ta përcjelli dhe se di a mundëm ta përcjelli ashtu siç me kanë porositur, së kam pas shumë mysafir, me kanë përcjellë shumë veteran e në mesin e tyre kisha edhe të fshatrave përreth dhe porosia e tyre ishte që unë personalisht t’i përshëndes krerët e Ushtrisë Çlirimtare të Kosovës, presidentin Hashim Thaçi, kryeparlamentarin Jakup Krasniqin, Kadri Veselin dhe deputetin Rexhep Selimin. Ma dhanë këtë porosi miqtë, shokët që unë këtë ta përcjelli dhe se di a muna ta përcjelli ashtu siç me kanë porositur”, ka thënë dëshmitari Krasniqi.

Më pas, lidhur me këtë prokurori e ka pyetur dëshmitarin se kush ishin këta miqtë që e porositën në këtë lloj mënyrë. Dëshmitari ka thënë se ata që e përcjellën për të ardhur në Hagë.

Më tutje, prokurori e ka pyetur se a iu kujtohen emrat e atyre personave që ia kanë dhënë këtë porosi si dhe a i kanë thënë atij se çfarë duhet të dëshmojë.

“Ishin miq të mi. Ishte dëshira ime që ta përcjelli këtë mesazh”, ka thënë dëshmitari duke shtuar se ai vetë e kishte bërë publike që do të shkonte në Hagë.

Me kaq kanë përfunduar pyetjet e prokurorit për dëshmitarin, mirëpo përpara kësaj, atij i është prezantuar një dokument në të cilin ishte emri i tij ku shkruhej “Vërejtje për shkak të mungesave”. /Betimipërdrejtësi