Nikos Dendias, ministër i Punëve të Jashtme të Greqisë, i është përgjigjur pyetjes së gazetarëve për njohjen e pavarësisë së Kosovës.

Diplomati grek nuk ka dhënë një përgjigje të drejtpërdrejtë, por është shprehur se puna e njohjes nuk është çështje shprese, por e vendosjes së raporteve diplomatike të dy vendeve.

“Nuk është çështje shprese, por çështje e vendosjes së marrëdhënieve diplomatike mes dy vendeve”, ka thënë Dendias.

Më tej ai ka thënë se Greqia është e interesuar për paqe dhe stabilitet në rajonin e Ballkanit Perëndimor.

Nikos Dendias ndodhet për një vizitë zyrtare në Kosovë, ku është takuar edhe me kryeministrin Avdullah Hoti, me kryetaren e Kuvendit, Vjosa Osmani etj.