![](https://www.epokaere.com/wp-content/uploads/2023/01/d-11-600x360-1.jpg)
Deputeti gjerman i kërkon sqarime KIE-së për aplikimin e Kosovës: Çka ka ndodhur?
Deputeti gjerman Knut Abraham i ka kërkuar sqarime Këshillit të Evropës lidhur me aplikimin e Kosovës në këtë mekanizëm të BE-së.
Abraham tha se asgjë nuk ka ndodhur deri më tani lidhur me këtë aplikim.
Kështu që ai i është drejtuar Këshillit të Ministrave.
“8 muaj më parë Kosova aplikoi për anëtarësim në Këshillin e Evropës. Që atëherë asgjë nuk ka ndodhur. Sot pyeta Këshillin e Ministrave, kur ata më në fund planifikojnë që aplikimin e Kosovës ta referojnë tek Asambleja Parlamentare për një opinion”, tha Abraham.
Deputeti gjerman dha shembuj të aplikimit kur ato ishin trajtuar me shpejtësi.
“Kur Shqipëria kishte aplikuar për anëtarësim më 4 maj 1992, Këshilli i Ministrave e kishte trajtuar këtë aplikacion shpejt, më 21 maj 1992, te Asambleja Parlamentare për një opinion. Kur Federata e Jugosllavisë kishte aplikuar për anëtarësim më 9 maj 2000, në më pak se tre javë, më 22 nëntor 2000, Këshilli i Ministrave edhe një herë kishte kërkuar nga Asambleja Parlamentare për një opinion”, theksoi ai.
“Që kur Kosova aplikoi për anëtarësim më 12 maj 2022, Këshilli i Ministrave nuk e ka pyetur Asamblenë Parlamentare për një opinion nëse janë plotësuar kriteret për anëtarësim”, shtoi ai.