“Nuk do të votoj pro tërheqjes e as kundër tërheqjes së Trustit”.

Ky është qëndrimi i deputetit të Lëvizjes Vetëvendosje, Fatmir Humolli për sa i përket tërheqjes së Trustit, pa treguar nëse do të abstenojë apo s’do të votojë fare.

Këtë qëndrim e  ka dhënë gjatë seancës së Kuvendit ku po diskutohet tërheqja potenciale e një pjese të mjeteve të Trustit.

Humolli kohëve të fundit ka kritikuar qeverinë e drejtuar nga shefi i tij në parti, Albin Kurti.

Kjo për shkak të mospërfshirjes së veteranëve në Projektligjin për pagën minimale.

“Hekuran Murati dyshoj që ka ndjenja kombëtare”, kishte thënë Humolli për ministrin Muratin.