Deputeti nga radhët e Aleancës për Ardhmërinë e Kosovës (AAK), Pal Lekaj, i ka drejtuar një pyetje ministrit të Bujqësisë, Pylltarisë dhe Zhvillimit Rural (MBPZhR), Faton Pecin.

Lekaj e ka pyetur ministrin se pse janë ulur subvencionet për bodrumet që kanë mbi 100 hektarë vreshta.

“Pse i ule subvencionet për podrumet që kanë mbi 100 hektarë vreshta? Kjo është më shumë se poshtërsi pasi ju me vendimin tuaj i dëmtoni mbi 16 për qind vreshtarët e artë të Kosovës. Ministër ndihmo e mos dëmto pasi edhe ashtu i ka dëmtuar mjaft shumë pandemia”, ka shkruar Lekaj në llogarinë në “Facebook”.