Deputetja britanike çuditet që ende s’ka pasoja për Serbinë pas vrasjes së policit të Kosovës
05 tetor 2023
| 08:46
Deputetja britanike Alicia Kearns ka ritheksuar faktin sesi ende nuk ka pasoja për Beogradin edhe pas ngjarjes së 24 shtatorit, në Banjskë të Zveçanit, aty ku mbeti i vrarë polici Afrim Bunjaku.
Ajo në platformën X ka radhitur ngjarjet në veri dhe lirimin e Radoiçiqit dhe pas gjithë kësaj, ka shprehur habi se si Kosova vazhdon të mbetet nën sanksionet e BE-së, ndërsa për Serbinë nuk ka pasoja.
Reagimi i saj i plotë:
Radoiçiqi mbetet i lirë në Serbi.
Ende nuk ka pasoja për Beogradin nga Britania e Madhe, ShBA-ja, BE-ja, pavarësisht vrasjes së oficerit të policisë, armatosjes së paraushtarakëve, rrëmbimit të policëve, as rolit në plagosjen e rëndë të trupave të NATO-s.
Megjithatë, Kosova mbetet nën sanksionet e BE-së.
Diplomaci parandaluese?