Deputetja e Lidhjes Demokratike të Kosovës (LDK), Rrezarta Krasniqi, ka reaguar ndaj fjalimit të kryeministrit Albin Kurti në Këshillin e Përgjithshëm të Lëvizjes Vetëvendosje.

Ajo disa fjalët e Kurtit i ka quajtur gënjeshtra. Në këtë kontekst, Krasniqi ka thënë se gënjeshtra dhe Kurti kanë një marrëdhënie të përhershme.

“Fluturojnë, fluturojnë rrenat e Kurtit. Ai nuk po gënjen veç për toke por edhe për hava. Po thotë se në qeverisjen e tij ‘më shumë qytetarë kthehen në Kosovë se sa që largohen’. Definitivisht, rrena dhe Kurti kanë një marrëdhënie të përhershme”, ka shkruar Krasniqi në “Facebook”.