Deputetja e Lëvizjes Vetëvendosje, Adelina Grainca, u ka uruar “shëndet e jetë të gjatë” pensionistëve pas rritjes së pensioneve për 20 për qind.

Këtë rritje ajo e ka quajtur “falë ndaljes së korrupsionit”.

“Politikat e mira dhe mirëmenaxhimi që nga fillimi i mandatit po jep rezultate konkrete. Falë ndaljes së korrupsionit e praktikave të mëhershme, tash është e mundur të ndihmohen shtresat shoqërore e të gjitha kategoritë e qytetarëve, siç përfshihet rritja e sotme e pensioneve. Urime të gjithë pensionistëve të Republikës së Kosovës. Shëndet e jetë të gjatë!”, ka shkruar Grainca në “Facebook”.

Kujtojmë se Grainca kishte fituar mandatin e deputetes me PDK-në, por që ishte larguar nga kjo parti me të marrë mandatin.