Deputetja e PDK-së, Ariana Musliu-Shoshi ka dalë në mbrojtje ndaj mediave, pas sulmeve të pushtetit me shkrime skandaloze të publikuar në RTK.

Ajo ka thënë se VV-ja “krejt dhe drejt e fundosën të ardhmen”, duke shtuar se shteti po rrëshqet drejt autokracisë.

Reagimi i saj:

#KREJTdheDREJT e fundosët të ardhmen!

Ky shtet po rrëshqet drejt autokracisë, e me çdo kusht po tenton rrënimin e demokracisë!

Kapja e RTK-së nga kjo qeveri ishte mjeti kryesor për të shantazhuar të gjithë ata që e flasin dhe shkruajnë të vërtetën. Mbrëmë nga po ky medium u tentua të linqohen gazetarë e mediume që fuqishëm dëshmojnë çdo ditë të vërtetën.

Por, kot e kanë, dielli me shoshë nuk mbulohet. Nuk do të ndalemi duke dëshmuar çdo ditë shkatërrimin e degradimi që po ia bëni vendit çdo ditë.