Manchester City dhe Manchester United, sot me fillim nga ora 17:30 do ta zhvillojnë ndeshjen e 195-të zyrtare.

Të dyja skuadrat do të kërkojnë fitoren në këtë takim, për të shpresuar tutje në ecuri pozitive, pasi që edhe skuadra e Pep Guardiolas edhe ajo e Ruben Amorim, nuk kanë kaluar një formë të mirë kohët e fundit.

Sidomos portugezi i cili mori rishtas drejtimin e ekipit të “Djajve të Kuq”, do të kërkojë që ta kalojë këtë test serioz në Premier League.

Aktualisht “Cityzens” janë në vendin e pestë me 27 pikë.

Të kaltërit e Manchesterit, nga 15 takime të zhvilluara këtë edicion në ligën angleze, i kanë tetë fitore, tri barazime dhe katër humbje.