Sigal Prishtina ka shënuar fitore ndaj Rahovecit në udhëtim 75:93 (16:19, 27:23, 15:22, 17:29), në kuadër të javës së 17-të në Superligën e Kosovës në basketboll.

Çereku i parë ishte i baraspeshuar me të dy skuadrat që nuk arrinin të shkëputeshin në rezultat dhe kjo pjesë përfundon 16:19. Në periudhën e dytë, hera njëra skuadër ishte në epërsi dhe herë tjetra, duke e bërë ndeshjen shumë interesante, derisa pjesa e parë përfundon 43:42. Isaiah Traylor i Rahovecit u dallua me 23 pikë në këtë pjesë.

“Bardhekaltrit” ishin më të mirë në periodën e tretë, duke pasur epërsi disa herë në tetë pikë dhe fitoi këtë pjesë 15:22, kurse rezultati në semafor pas 30 minutash ishte 58:64. Rahoveci nuk u dorëzua dhe 10 minutat e fundit barazoi rezultatin në 66:66, por nga ky moment Prishtina ishte e pandalshme deri në fund, duke triumfuar bindshëm me rezultat 75:93.

Te Rahoveci u dallua Isaiah Traylor me 33 pikë e pesë kërcime dhe Amadi Ikpeze me 13 pikë e 11 kërcime, kurse te Sigal Prishtina u dalluan Nigel Johnson me 23 pikë e gjashtë asistime, Seth Ladey me 14 pikë e nëntë kërcime, Edmond Azemi me 14 pikë e gjashtë kërcime dhe Fisnik Rugova me 10 pikë e 12 kërcime.

Rahoveci ka 12 fitore dhe pesë humbje, kurse Sigal Prishtina pesë fitore dhe 12 humbje.