Ish-nënkryetarja e Lëvizjes Vetëvendosje dhe ish-nënkryetarja e Kuvendit, Aida Dërguti, ka bërë me dije se ende pa filluar mirë fushata për zgjedhjet e 14 shkurtit, profili i saj në “Facebook” është vërshuar nga kërkesa për miqësi nga llogari të rrejshme.

Dërguti ka aluduar se këto profile të rrejshme janë hapur nga partitë politike në shërbim të fushatës nëpër rrjete sociale.

“Ende pa ia nis fushata, vërshuan kërkesat për miqësi prej profileve të rrejshme. Partitë i paskan dhez motorët”, ka shkruar Dërguti.