Kryetari i komunës së Deçanit, Bashkim Ramosaj, ka bërë me dije se në këtë komunë deri më tani kanë rezultuar 11 raste pozitive me Covid-19.

Ai u ka bërë thirrje qytetarëve që të respektojnë masat mbrojtëse.

“Të nderuar qytetarë të Deçanit, në komunën tonë deri më tani kanë rezultuar 11 raste pozitive me Covid-19, prandaj na duhet ndihma e të gjithë juve, duke respektuar masat mbrojtëse, duke reduktuar lëvizjet dhe takimet e panevojshme. Është shumë e domosdoshme të sillemi me ndërgjegje të lartë qytetare”, ka shkruar Ramosaj në llogarinë e vet në “Facebook”.

(Q.R / Epoka e re)