Kryetari i Komisionit Qendror të Zgjedhjeve, Kreshnik Radoniqi tha në një konferencë për media se deri në orën 11:00 kanë votuar 169 mijë e 32 votues, apo 8.58%.

Krahasuar me zgjedhjet e fundit të vitit 2021, këtë herë ka 23 mijë e 382 votues më shumë deri në të njëjtën orë.

“Duke u mbështetur nga të dhënat nga 2 mijë e 343 vendvotime nga gjithsej 2 mijë e 533, deri në orën 11:00 kanë votuar 8.58%, apo 169,032 votues. Deri në të njëjtën kohë, në zgjedhjet e parakohshme për Kuvendin e Kosovës të vitit 2021 kishin votuar 8.30% apo 145,650 votues”, tha Radoniqi.

Ai tha se nga komisionet komunale të zgjedhjeve janë informuar se “procesi i votimit është duke vijuar normalisht dhe nuk është paraqitur ndonjë problem”.