Kandidati për deputet nga radhët e Partisë Demokratike të Kosovës (PDK), Shahin Dervishaj, me numër 77 në listën zgjedhore, ka vizituar sot Klladernicën.

Gjatë vizitës, Dervishaj u shpreh i emocionuar që ka takuar vendasit e tij, miqtë dhe familjen dhe se çdo bisedë i ka dhënë forcë të re.

“Kështu i ka hije, duhet me u mbledhë bashkë e me diskutu kur është në pytje Kosova! Sot, në Klladernicë, me vendasit e mi u ndjeva si kurrë më parë, pasi takova miqtë dhe familjen në Lagjen Hoxhaj, çdo bisedë më dha një forcë të re”, u shpreh Dervishaj.