Kandidati për deputet nga diaspora me numër 77 nga Partia Demokratike e Kosovës, Shahin Dervishaj sot ka takuar miqtë nga Gjermania.

Ai përmes një postimi në “Facebook”, ka falenderuar nga zemra për mbështjetjen që po i bëjnë atij por edhe PDK-së.

“Kosovë apo Gjermani, kudo që jemi shqiptarë, frymojmë e mendojmë njësoj kur janë në pyetje interesat e shtetit dhe kombit tonë. Energjia për ndryshim dhe zhvillim për Kosovën vjen nga diaspora jonë e vyer në Gjermani. Sot pata kënaqësinë të takohem me miq e bashkëpunëtorë të përkushtuar për të mbështetur PDK-në dhe kandidatin tonë për Kryeministër, Bedri Hamzën. Faleminderit nga zemra për mbështetjen tuaj të jashtëzakonshme!”, ka shkruar Dervishaj.