Trajneri i Francës, Didier Deschamps, ka dhënë një intervistë për kanalet zyrtare të kombëtares franceze. Ai ka folur për gjendjen e Kylian Mbappe, i cili pësoi një thyerje të hundës pas një goditjeje kundër Austrisë, në ndeshjen e parë në grup.

Në takimin e dytë, sulmuesi i ardhshëm i Real Madridit nuk u aktivizua, por ai pritet të jetë në fushë ndaj Polonisë së eliminuar nga “Euro 2024”. Të paktën për disa minuta apo një pjesë loje. “Do të ketë ende teste për të parë se si do të evoluojnë gjërat. Tronditja që ai dhe të gjithë në pësuam ishte e dukshme. Stafi

mjekësor bëri atë që ishte e nevojshme për ta reduktuar atë sa më shumë. Kylian tani është më mirë, është stërvitur me maskë dhe do ta shohim gjendjen e tij me kujdes para se të vendosim. Kemi edhe një ditë kohë, por pushimi i bëri mirë për t’u qetësuar”, ka thënë Deschamps.