Debati mbi atë se kush duhet të fitojë Çmimin e “Topit të Artë” 2021 vazhdon dhe pa një favorit të qartë ndryshe nga vitet e mëparshme. Kur u bë pyetja nëse Benzema ishte një kandidat serioz për Topin e Artë, Didier Deschamps ishte i qartë, shkruan Marca. “Po, gjithsesi”, ka deklarur Deschamps në një konferencë shtypi. Kylian Mbappe shihet gjithashtu si një fitues i ardhshëm i Topit të Artë dhe trajneri francez është i bindur se gjithashtu Mbappe do ta fitojë atë në një moment në karrierën e tij. “Po, me siguri”, u përgjigj Deschamps për shanset e Mbappes. Franca do të përballet me Belgjikën në gjysmëfinalen e Ligës së Kombeve më 7 tetor, dhe Benzema është bërë një lojtar i rregullt në formacionin startues për Les Blues. Marrëdhënia mes Deschamps dhe Benzema është rregulluar pas shumë vitesh mosmarrëveshje, me formën e lojtarit të Real Madridit që është bërë e pamundur të injorohet.