Xhevdet Bajraj

Një anëtar i Çetës së Pirotit

që i takonte Sektorit 87

të Njësive Speciale të Policisë

i kishte prerë kokën një shqiptari të vdekur

pastaj

për ditë të tëra

e kishte zier në tenxhere

Nga ajo

i nxori

katër dhëmbë

prej ari

I çoi te argjendari

dhe i kërkoi t’ia bënte një unazë

që do të trashëgohej brez pas brezi

me inicialet e birit të tij

Ai nuk e dinte

se viktima i kishte inicialet e njëjta