Gazetari e dëshmitari 28 në rastin e krerëve të UÇK-së, Nebojsha Radosheviq, po vazhdon dëshminë e tij në Hagë.

Dëshmitari e ka pranuar një fakt të çuditshëm. Ai ka thënë se kur u mor në pyetje nga Zyra e Prokurorit të Specializuar aty ishte edhe një prokuror serb.

Nacionale sjell përgjigjen e tij:

Keohe: Kur keni dhënë intervistë në ZPS-së në vitin 2019 ju ishit i punësuar nga qeveria serbe dhe në fakt gjatë intervistës ka qenë i pranishëm edhe një prokuror i Serbisë?

Dëshmitari: Po, ka qenë i pranishëm një prokuror serb. Ata më thirrën për të dhënë dëshmi.

Keohe: A jeni gazetar që punoni për Kosovo Online?

Dëshmitari: Po.

Keohe: KosovoOnline financon nga Serbia?

Dëshmitari: Kështu thuani ju.

Keohe: A punoni për shumë media dhe punoni për qeverinë federale serbe?

Dëshmitari: Jam larguar nga KosovoOnline në vitin 2021.