Edicioni aktual i Ligës së Kampionëve ishte një dështim i vërtetë për ekipet spanjolle.

Tri nga katër skuadrat pjesëmarrëse janë eliminuar qysh në fazën e grupeve.

Barcelona, Sevilla dhe Atletico Madridi i kanë dhënë fund herët garës më prestigjioze evropiane.

I vetmi që është kualifikuar në të tetën e finales është Real Madridi.

Që kur ka nisur riformimi me 4 skuadra pjesëmarrëse të një shteti në Ligën e Kampionëve, respektivisht nga sezoni 1999/2000, nuk kishte ndodhur kurrë që Spanja ta ketë vetëm një skuadër në mesin e 16 më të mirave në fazën eliminuese.

Pa dyshim, ky ishte një sezon për t’u harruar për ekipet spanjolle, të cilat do të jenë më të përfaqësuara në Ligën e Evropës.