Komisioni Hetimor Parlamentar për procesin e subvencionimit të blerjes së teksteve shkollore dhe mjeteve mësimore ka dështuar që të mbajë mbledhjen e radhës në mungesë të kuorumit.

Në rend dite për tu intervistuar ishin dëshmitarët: Fadile Dyla, sekretare e përgjithshme e MAShTI-t, Avni Rexha dhe u.d. drejtor i Departamentit të Arsimit Parauniversitar, Genc Hamzaj.

Kryetari i këtij komisioni, Shemsedin Dreshaj, ka deklaruar se në mungesë të kuorumit mbledhja dështon.

“Siç po e shihni kjo mbledhje e thirrur që të kemi një agjentë, përkundër agjendës e cila ka qenë e definuar para tre muajve, sot nuk ka kuorum”.

“Për kundër faktit që kemi qenë të informuar që do të jemi në numrin e plotë të kuorumit. Kjo mbledhje nuk mund të vazhdojë për shkak se janë vetëm dy anëtarë. Në mungesë të kuorumit këtë mbledhje e shpalli të mbyllur”, ka thënë Dreshaj. /EO