Dështon mbledhja e Komisionit për arsim
26 prill 2022
| 11:36
Në mungesë të anëtarëve, ka dështuar mbledhja e Komisionit për Arsim. Pas vonesës së tyre, anëtarët e Këshillit Shtetëror të Cilësisë (KShC) nuk i kanë pritur deputetët.
Në këtë komision kanë qenë të pranishëm anëtarët e Këshillit Shtetëror të Cilësisë të Agjencisë së Kosovës për Akreditim të cilët ishin ftuar për të raportuar për punën e tyre për vitin 2021.
Kryetarja e këtij këshilli, Hasnije Ilazi, ka thënë se nuk mund të presin më shumë se 15 minuta.
Ndërsa anëtarja e Komisionit për Arsim, Albena Reshitaj, ka thënë se pavarësisht bojkotit të opozitës, shqyrtimi i raportit të KShC-së ka qenë i rëndësishëm.