Disa vetura janë djegur në Gllogjan të Deçanit gjatë mesditës së shtunës.

Rastin e ka konfirmuar zëdhënësi i policisë për rajonin e Pejës, Driton Rugova, i cili tregoi se rasti është duke u hetuar.

“Dje rreth orës 12:40 policia është njoftuar nga një qytetar se në fshatin Gllogjan të Deçanit janë duke u djegur disa vetura. Policia menjëherë ka dalë në vendngjarje, gjithashtu edhe zjarrfikësit dhe është bërë lokalizimi i zjarrit. Rasti mbetet të hetohet”, u shpreh Rugova.