Një pjesëtar i ekuipazhit të një anije mallrash vdiq të mërkurën pasi anija që po transportonte gati 3.000 vetura u kaplua nga zjarri. Roja bregdetare holandeze tha se anije po vazhdonte të digjej dhe se edhe disa persona të tjera kishin mbetur të lënduar.

Tentimet për të shpëtuar anijen po vazhdojnë ende pranë Holandës, një vend të rëndësishëm për shpendët shtegtarë.

Varka dhe helikopterë u përdorën për t’i ndihmuar 23 anëtarët e ekuipazhit pasi ata u përpoqën ta shuajnë zjarrin, tha roja bregdetare në një deklaratë, raporton rel.

Disa nga anëtarët e ekuipazhit u hodhën nga kuverta e anijes në det dhe u kapën nga një varkë shpëtimi, tha kapiteni i varkës së shpëtimit për transmetuesin holandez NOS. Disa pjesëtarë të ekuipazhit pësuan kocka të thyera, djegie dhe probleme në frymëmarrje dhe u dërguan në spitale në Holandën veriore, thanë shërbimet e urgjencës.

“Aktualisht ka shumë anije në vendngjarje për ta monitoruar situatën dhe për ts parë se si të vihet nën kontroll zjarri”, tha në telefon zëdhënësja e roje bregdetare Lea Versteeg. “Por gjithçka varet nga moti dhe dëmtimi i anijes”.

I pyetur nëse ishte e mundur që anija të fundosej, Versteeg tha se ky “është një skenar që po e marrim parasysh dhe po përgatitemi për të gjithë skenarët”.

Roja Bregdetare dha një përditësim pak para mesditës, duke thënë se situata nuk ishte ndryshuar.

Anija Fremantle po lundronte nga porti gjerman i Bremerhavenit për në portin Said në Egjipt kur u vë në zjarr rreth 27 kilometra në veri të ishullit holandez Ameland.

Vendndodhja e saj është afër një grumbulli ishujsh holandezë dhe gjermanë të njohur për turistët në detin e cekët Ëadden. Kjo zonë është e listuar në Trashëgiminë Botërore dhe përshkruhet nga UNESCO si “një nga zonat më të rëndësishme për zogjtë shtegtarë në botë”.

Shkaku i zjarrit nuk dihej menjëherë dhe nuk ishte e qartë se si ndodhi vdekja e anëtarit të ekuipazhit.