Një fabrikë që bën prodhimin e stiroporit është përfshirë nga flakët në Fshatin e Vjetër të Ferizajt.

Lajmin e ka konfirmuar zëdhënësi i policisë për rajonin e Ferizajt, Kanun Veseli, i cili bëri me dije se ende nuk dihen shkaqet që çuan deri te zjarri.

“Sot në orën 00:34 të mëngjesit në Fshatin e Vjetër të Ferizajt ka ndodhur një incident zjarri në fabrikën për prodhimint e stiroporit “AL POR”. Zjarrfikësit janë në vendin e ngjarjes dhe janë duke e lokalizuar zjarrin. Ende nuk dihen shkaqet si ka ardhur deri te ky incident, ndërsa në vendin e ngjarjes kanë dalë policët e rendit dhe policë hetues të cilët i kanë marrë veprimet e nevojshme për ta hetuar këtë rast”, është shprehur Veseli, njofton Klankosova.tv.

Raportohet se nga ky incident zjarri nuk ka të lënduar, por vetëm dëme materiale.