Kryengritësit talebanë filluan të hyjnë sot në Kabul, kryeqytetin e Afganistanit. Kështu ka bërë me dije një zyrtar i

Ministrisë së Brendshme, ndërsa Shtetet e Bashkuara po evakuojnë diplomatët nga ambasada e tyre me helikopterë.
Zyrtari i lartë i tha “Reuters”-it se talebanët po vinin “nga të gjitha anët”, por nuk dha hollësi të tjera.

Në një postim në llogarinë e pallatit presidencial afgan në “Twitter” thuhet se të shtënat ishin dëgjuar në disa pjesë rreth Kabulit, por forcat e sigurisë, në bashkërendim me partnerët ndërkombëtarë, kanë qytetin nën kontroll.

Zyrtarët amerikanë thanë se diplomatët po transportoheshin në aeroport nga ambasada në zonën e fortifikuar, Wazir Akbar Khan.