Gjashtë persona janë vrarë nga të shtënat në një spital universitar në Ostravë të Republikës së Çekisë, kanë njoftuar autoritetet lokale.

Zyrtarët policorë janë thirrur në spitalin e qytetit verilindor të Ostravës rreth orës 07:00, ka njoftuar Ministria e Brendshme e Çekisë.

Sipas raportimeve, të shtënat kanë ndodhur në një klinikë traumatologjike.

Policia është vënë menjëherë në kërkim të autorit të krimit dhe më pas njoftoi se personi i dyshuar kishte qëlluar vetën në kokë me armë zjarri, teksa ishte në një makinë derisa policia po kryente operacionin kundër tij.

Kryeministri i Çekisë, Andrej Babis e ka quajtur incidentin si tragjik.

“Unë e di se katër persona u qëlluan për vdekje në vend dhe dy u plagosën rëndë, të cilët për fat të keq, më pas vdiqën, ka thënë Babisi.