Xhudistja e Kombëtares sonë, Distria Krasniqi, ka rrëmbyer medaljen e artë në garën e rëndësishme “Masters” që po mbahet në Jerusalem të Izraelit.

Distria në finale mposhti britaniken Chelsie Giles, duke i siguruar një tjetër medalje Kosovës.

Xhudistja jonë menaxhoi me mjeshtri finalen, duke e mposhtur britaniken Giles.

Një tjetër sukses i madh për shtetin e Kosovës në fund të këtij viti, edhe një medalje artë nga gara e madhe “Masters”.

Kujtojmë se Distria eliminoi amerikanen Delgado, pastaj spanjollen Perez, derisa në gjysmëfinale e mposhti Pupp nga Hungaria.