Kryeministri i Maqedonisë së Veriut, Talat Xhaferi, në ditën e parë të tij si kryeministër është shprehur se edhe rruga më e shkurtër është vështirë të kalohet nëse nuk ke vizion, plan, drejtim dhe qëllim.

Ai është shprehur se të gjitha sfidave dhe rrugëve deri tani u është qasur me qëllim të qartë.

“Dita e parë kryeministër. Edhe rruga më e shkurtër është vështirë të kalohet nëse nuk ke vizion, plan,  drejtim dhe qëllim. Të gjitha sfidave dhe rrugëve deri tani u jam qasur me planifikim të mirë dhe qëllim të qartë. Ashtu është edhe tani, me qëllim të qartë për Republikën e Maqedonisë së Veriut evropiane”, ka shkruar Xhaferi në “Facebook”.