Qeveria e Kosovës të mërkurën e ka shpallur zyrtarisht 14 prillin si Ditën e të mbijetuarve të dhunës seksuale gjatë luftës së fundit në Kosovë.

Kjo datë është caktuar me kërkesën presidentja Vjosa Osmani e ka dorëzuar në Qeverinë e Kosovës.

Lidhur me këtë Qendra Kosovare për Rehabilitimin e të Mbijetuarve të Torturës, bashkë me zyrën e presidentes të Republikës së Kosovës dhe organizatat anëtare të platformës “Bëhu zëri im” ,  nesër (e enjte) do të organizojnë një marsh në mbështetje të të mbijetuarve të dhunës seksuale gjatë luftës në Kosovë.

Marshi do të fillojë në orën 12:00 nga sheshi “Ibrahim Rugova”, për të vazhduar deri tek monumenti “Heroinat”, ku do të prezantohet instalacioni “14 Prilli”.