Që nga mbarimi i luftës, dy dekada më parë, Kosova ka pasur tetë kryeministra në dhjetë mandate. Asnjëri prej tyre nuk e ka mbaruar mandatin e plotë prej katër vjetësh.

Kryeministri që ka qëndruar më së gjati në pushtet është Hashim Thaçi, kurse më së shkurti Albin Kurti, nëse nuk llogaritet 96-ditëshi i Ramush Haradinajt në vitin 2004.

Llogaritja e ditëve është bërë nga momenti kur një person është zgjedhur kryeministër, deri në momentin kur posti është pasuar nga kryeministri i ri.

Gjykata Kushtetuese shkarkoi këtë javë Qeverinë e Avdullah Hotit pas 201 ditësh në pushtet. Hoti vazhdon të mbetet kryeministër në detyrë.