Gjykata Speciale ka arrestuar sot (e enjte) Fadil Fazliun, vëllain e heronjve Fazli dhe Bahri Fazliu.

Pas arrestimit të tij, në një prononcim për medie ka folur djali i tij, Fahri Fazliu.

“Sot rreth orës 8:00 të mëngjesit te banesa e tij në ‘Kodër të Diellit’ ku edhe është bastisur para një viti, është arrestuar me 3-4 kerre të forcave të EULEX-it me urdhër të Dhomave të Specializuara, Fadil Fazliu, babai im. Përndryshe Fadili ka qenë pjesë e UÇK-së, është vëllai i heronjve Fazli dhe Bahri Fazliu”, ka thënë Fazliu.

Ai ka thënë se Fadil Fazliu ka qenë vetëm duke shkuar në punë dhe se me të s’ka qenë askush.

“Ai ndodhet në zyrat e EULEX-it, pritet të dërgohet në Hagë”, ka thënë Fazliu, duke shtuar se nuk i është thënë arsyeja për arrestimin e babait të tij.

Ai ka thënë se tashmë e kanë konsultuar avokatin Skënder Musa.