Djemtë e gazetarit të vrarë falin vrasësit e babait për ramazan
Djali i gazetarit të vrarë Jamal Khashoggi ka lëshuar një deklaratë, me të cilën bën me dije se i fal vrasësit e tij.
Khashoggi, një kritik i njohur i qeverisë saudite, ishte vrarë brenda konsullatës së Mbretërisë në Stamboll të Turqisë në tetor të 2018-s.
Zyrtarët sauditë thonë se vdekja e tij ishte rezultat i një “operacioni mashtrues” dhe nuk u sanksionua nga shteti.
Por, veprimtaria e këtyre ngjarjeve ka ngjallur dyshime ndërkombëtare, duke përfshirë disa agjenci të inteligjencës dhe Kombet e Bashkuara.
Khashoggi kishte shkruar për gazetën “Washington Post” dhe jetonte në ShBA para vdekjes së tij.
Çfarë tha familja e Khashoggit?
Deklarata u postua në llogarinë në “Twitter” të Salah Khashoggi, një nga djemtë e gazetarit të ndjerë, të premten.
“Në këtë natë të bekuar të muajit të bekuar [të Ramazanit] kujtojmë thënien e Zotit: Nëse një person fal dhe bën pajtimin, shpërblimi i tij i takon Allahut”, thuhet në llogarinë e tij në “Tweet”.
“Prandaj, ne bijtë e dëshmorit Jamal Khashoggi njoftojmë faljen e atyre që vranë babanë tonë, duke kërkuar shpërblim nga Zoti i Plotfuqishëm”, ka shkruar Khashoggi.
Dënimet me vdekje mund të ndryshohen nëse faljet nga familja e viktimës sipas ligjit islam, por nuk është e qartë nëse kjo do të zbatohet në këtë rast./klan