Ndeshjet e raundit të katërt të US Open në tenis kanë dhuruar surpriza, siç është eliminimi i numrit 1 në botë për femra, Iga Swiatek. Tenistja polake u mund 2-1 (3-6, 6-3, 6-1) nga letonezja Jelena Ostapenko.

Fitore me përmbysje e kësaj të fundit, që avancon në çerekfinale. Më tej avancon edhe tenistja amerikane Coco Gauff (numri 6), që mundi 2-1 danezen Caroline Wozniacki (6-2, 3-6, 6-1). Nuk zhgënjen as numri 10 në botë, tenistja çeke Karolina Muchova, që mundi 2-1 kinezen X.Wang. E fundit që avancon në raundin tjetër është tenistja rumune

Sorana Cirstea, që mundi 2-0 Belinda Benqiq. Te meshkujt, serbi Novak Djokoviq     fitoi me lehtësi 3-0 (6-2, 7-5, 6-4) ndaj kroatit B.Gojo. Në çerekfinale kualifikohen edhe tri tenistë amerikanë, që po paraqiten mirë në turneun e shtëpisë. Bëhet fjalë për Ben Shelton (3-1 ndaj T.Paul), Francis Tiafoe (3-0 ndaj R.Hijikata) dhe Taylor Fritz (3-0 ndaj D.Stricker).