Anëtari serb i Presidencës së Bosnjës dhe Hercegovinës, Millorad Dodik, ka thënë se e sheh Republikën Srpska si shtet të pavarur në pesë vjetët e ardhshme.

Dodiku ka deklaruar  se Bosnja dhe Herecegovina “mbijeton vetëm sepse mbahet nga faktori ndërkombëtar”, duke shtuar se “forca” është e vetmja gjë që ka mbetur për ta ruajtur atë.

“Tani Millorad Dodik është sulmuar ashpër”, i ka thënë ai “RTRS”-së, duke deklaruar se do të ishte shumë më e lehtë të tregohej unitet politik në Republikën Srpska.

Duke folur për sanksionet që i vendosi ShBA-ja pak ditë më parë, Dodiku ka vlerësuar se amerikanët janë “gati të shkojnë deri në fund”.

“Dhuna nuk i lutet Zotit dhe Zoti nuk e do dhunën”, ka thënë ai gjatë ditës së djeshme duke theksuar se të huajt po i kërkojnë të ndryshojë retorikën.

Ai ka përsëritur se në fillim të javës së ardhshme do të takohet me presidentin serb, Aleksandër Vuçiq.