Doktor Shemsedin Dreshaj, kandidat për deputet nga radhët e Aleancës për Ardhmërinë e Kosovës (AAK), ka thënë se fryma e fitores është kudo për koalicionin AAK,NISMA, Konservatorët, Forumi Intelektual E30 dhe Ideal.

“E kjo fillesë duket energjike, si asnjëherë më parë. Fryma e fitores është kudo. Energjia dhe nevoja për rikthim në drejtimin e duhur vërehen kudo, në rrugë, në tubime dhe në debate”, ka shkruar Dreshaj në “Facebook”.

Postimi i plotë i Dreshajt (pa ndërhyrje)

Kanë thënë: “Dita e mirë shihet që në mëngjes!”

E kjo fillesë duket energjike, si asnjëherë më parë. Fryma e fitores është kudo. Energjia dhe nevoja për rikthim në drejtimin e duhur vërehen kudo, në rrugë, në tubime dhe në debate.

AAK me listën e fitores është ndryshimi, shpresa e Kosovës së nesërme, Kosovës së sigurt, Kosovës së ëndrrave tona.

Data 9 shkurt është fundi i eksperimentit të dështuar të vitit 2021.

Gjakova foli mbrëmë, si çdo herë: “Eksperimentit Kurti, mjaft!” Votoni 137!