Gastroenterologu Visar Zekaj, i cili ditë më parë është infektuar me virusin Korona dhe, pas dy javësh në izolim dhe trajtim në kushte shtëpie, është shëruar nga i njëjti virus, disa herë nëpërmjet shkrimeve botuar në media u ka bërë thirrje qytetarëve të kenë kujdes nga virusi Korona sepse është virus mjaft i vështirë dhe serioz. Ai ka tërhequr vëmendjen edhe për përdorimin e maskës dhe për vendosjen e saj të saktë. “Vendosja e maskës ka rëndësi të madhe për ta penguar përhapjen e koronavirusit i cili po shkakton sëmundjen Covid 19. Disa qytetarë maskën janë duke e shfrytëzuar sa për të thënë që kam maskë dhe për t’i ikur dënimit të policisë. Ata nuk po e vendosin maskën në mënyrë të duhur për t’u mbrojtur dhe në këtë mënyrë ata po shkaktojnë autoinfeksion”, ka thënë Zekaj.