Mjeku Pëllumb Pipero bën një postim në Facebook, ku u kërkon qytetarëve që të respektojnë masat anti-COVID, distancimin dhe mbajtjen e maskës. Referuar Malit të Zi që mbyllu kufijtë, ai thotë se është trishtuese. Në apelin e tij për qytetarët, mjeku u kërkon mos të harrrojnë se virusi nuk ka ikur ndryshe ‘do na ktheni shumë mbrapa në kohë, edhe pse të hapur brenda nesh, do jemi të mbyllur për Europën! Ju lutem më dëgjoni mua! Mos dëgjoni politikanet sot! Dëgjoni specialistet” thotë ai. Numri i të infektuarve në tre javët e fundit ka pasur një rritje shumë të madhe për shkak të mos zbatimit të masave në biznese dhe nga qytetarët.

Postimi i plotë i Pëllumb Piperos:

Nuk dua t’ju zgjoj,

por zgjohuni me një mesazh nga unë/dhe ne, të pa gjumit!

Është trishtuese të dëgjosh se Shqipërisë i mbyllën kufijtë, është edhe më trishtuese të dëgjosh se sot,disa muaj mbas fillimit të epidemisë, në spitalin Covid 1, shtrohen mbi 20 të sëmurë, shumë më shumë se sa u shtruan në një ditë, në fillim të kësaj epidemie në vendin tonë.

Dhe pse vallë?!

Mos virusi u zhduk! Mos vallë pandemia mbaroi! Mos vallë virusi nuk qarkullon më mes nesh dhe me ne çdo ditë, orë e minutë!

Mos vallë shkenca zbuloi një vaksinë?!

Mos vallë ne mjekët kemi në dorë një medikament kundër këtij virusi ende vrasës?

JO

Virusi është ende midis nesh!

Ne ende nuk kemi një vaksinë!

Ne ende nuk kemi një ilaç ndaj tij!

Po si dhe me çfarë mund ta luftojmë?!

Vetëm me një armë!

Me distancë dhe me Maskë!

Ndaj sot, në fillim të kesaj dite të re, po ju lutem:

Ruani distancën dhe mbani maskën!

Ndryshe do na ktheni shumë mbrapa në kohë, edhe pse të hapur brenda nesh, do jemi të mbyllur për Europën!

Ju lutem më degjoni SOT

Nesër është shumë vonë!

Qeveria nuk ka asgjë në dorë!

Gjithçka është në duart tona!

Ju lutem më degjoni mua! Mos dëgjoni politikanët sot! Dëgjoni specialistët!

Maska dhe distanca!

Vetëm kaq mjafton!

Kaq pak, për të përfituar më shume liri në pandemi, më shumë ekonomi në pandemi, më shumë argëtim në pandemi, dhe aspak izolim me botën që po hapet çdo ditë!

Na i hiqni kufijtë, duke i vënë kufi virusit, thjesht dhe vetëm me një maskë dhe distancë!
/Shqiptarja