Pranimi ose jo i disa provave që ndërlidhen me funksionimin e Zonës Operative të Llapit, janë kthyer në mollë sherri në Hagë në gjykimin ndaj krerëve të UÇK-së.

Pas kundërshtimit nga avokatët e krerëve të Ushtrisë Çlirimtare të Kosovës, ka ardhur edhe përgjigja nga Zyra e Prokurorit të Specializuar. Kjo e fundit ka theksuar se të gjitha dëshmitë i ka të mbështetura.

“Për provat e propozuara të ofruara nga autoritetet serbe, EULEX-i dhe ICTY/IRMCT, Zyra e Prokurorit të Specializuar (ZPS) gjithashtu bëri parashtresa, me dokumentacion mbështetës, në lidhje me mënyrën se si këto subjekte i morën dëshmitë e propozuara. Askund në përgjigje, mbrojtja nuk i pranon, adreson apo kundërshton këto parashtresa”, thuhet në përgjigjen e Prokurorisë, raporton Nacionale.

Avokatët ishin ankuar se disa prej provave nuk kanë lidhje me UÇK-në, megjithatë sipas Prokurorisë provat përmbajnë informacione të rëndësishme.

“Mocioni 1 ofron shpjegime të hollësishme se si dokumente të tilla në tërësi, duke përfshirë të gjitha pjesët individuale, janë të pranueshme në dy ‘përmbledhje’, që të dyja përbëhen nga raporte, deklarata, shënime dhe informacione që janë qartësisht të ndërlidhura, të lidhura me UÇK-në, prima facie autentike, relevante dhe provuese”, është thënë në parashtresë.

Në këtë parashtrim është bërë gjithashtu e ditur se dëshmitë përfshijnë dokumente të shkruara me dorë, dëshmi nga Serbia si dhe dëshmi të sekuestruara në shtëpinë e Rexhep Selimit.

“Në lidhje me dokumentet e shkruara me dorë, shabllone, ‘dokumente dëshmie’ të supozuara, dokumente me ‘rëndësi’ për rastin e Prokurorisë, dhe dokumentet e siguruara nga autoritetet serbe22 dhe të sekuestruara nga rezidenca e Rexhep Selimit. Mbrojtja thjesht përsërit kundërshtimet tashmë të shqyrtuara dhe të refuzuara ndaj këtyre kategorive të provave”, është thënë në këtë parashtresë.

Tashmë vendimi për pranimin ose jo të këtyre provave është në duart e trupit gjykues. Deri më tash, kundërshtimet e avokatëve për pranimin e provave nga Serbia janë rrëzuar.

Çfarë provash?

Aksionet e bastisjet e ushtrisë apo policisë serbe në kohën e luftës nëpër bazat e UÇK-së, duket se po i hyjnë në punë 25 vjet pas Prokurorisë së Specializuar në Hagë.

Materiale të tilla të siguruara nga autoritetet serbe në zonën e Llapit, po i shfrytëzon Zyra e Prokurorit të Specializuar, dhe këtë e kanë konfirmuar edhe vet në një parashtrim dorëzuar te grupi gjykues.

Në parashtresën e Prokurorisë të cilën e ka parë Nacionale, Prokuroria vet e konfirmon se materialet e tilla janë siguruar në bazat e UÇK-së nga autoritetet serbe.

“Së fundi, përderisa dëshmia e origjinës ose e autorësisë nuk kërkohet, prejardhja e secilës prove të propozuar. Përveç një artikulli të konfiskuar nga Prokuroria nga shtëpia e Rexhep Selimit, shumica e materialeve të Propozuara ishin: ( i) sekuestruar nga autoritetet serbe nga bazat dhe pjesëtarët e UÇK-së gjatë periudhës së aktakuzës; ose (ii) sekuestruar gjatë bastisjeve të UNMIK-ut në banesën dhe zyrën e oficerit të inteligjencës së zones së Llapit, Naim Kadriu, rezidencën e Latif Gashit dhe shtabin e ShIK-ut në Prishtinë në Prishtinë. Kadri Veseli dhe Latif Gashi kishin zyrat e tyre në këto seli nga mesi i vitit 1999 deri në të paktën 2002, kur u konfiskuan materialet përkatëse të Propozuara”, është thënë në dokument.

Në këtë parashtrim, Prokuroria e Specializuar ka kërkuar të pranohen me qindra-mijëra faqe dokumentesh, të cilat sipas tyre, dëshmojnë për organizimin dhe strukturën e mirëfilltë të UÇK-së në zonën e Llapit.

Çfarë thuhet në këto prova?

Në këtë parashtresë të Zyrës së Prokurorit të Specializuar, kryeprokurorja Kimberi West thekson se dokumentet dëshmojnë për organizimin e nivelit të lartë në zonën e Llapit. Bashkëpunimin me Shtabit e Përgjithshëm, zbatimin e urdhrave e ndalimin e personave nëpër qendra të ndalimit.

“Provat e propozuara vërtetojnë dhe plotësojnë dëshmitë dhe dëshmitë dokumentare, si dhe faktet e gjykuara, të cilat, të marra së bashku, demonstrojnë: (i) nivelin e lartë të organizimit të UÇK-së dhe PGoK-së, duke përfshirë ZO-në e Llapit, gjatë periudhës së aktakuzës; (ii) se anëtarët e UÇK-së në Zonën e Llapit kanë vepruar nën autoritetin dhe në përputhje me udhëzimet e të akuzuarve, Shtabit të Përgjithshëm dhe, pas formimit të tij, PGoK-së; dhe (iii) se anëtarët e NPK-së, duke përfshirë të akuzuarit dhe anëtarët e caktuar të UÇK-së në ZQ të Llapit, si Rrustem Mustafa dhe Latif Gashi, kishin të përbashkët qëllimin kriminal, të cilin e zbatuan personalisht dhe përmes strukturave në vend”, është thënë në këtë parashtrim.

Parashtrimi flet për disa takime të Thaçit e të tjerëve që po akuzohen në Hagë, me përfaqsues të zones së Llapit.

“Komanda e Zonës së Llapit mbante takime, ishte përgjegjëse për të gjitha njësitë e UÇK-së në Zonë dhe shpesh në kontakt me komandantët vartës, dhe ishte e detyruar të ishte dhe ishte në kontakt me Shtabin e Përgjithshëm (përfshirë të Akuzuarit), duke bërë raporte dhe duke marrë urdhra. Komanda e Llapit ka pasur bashkëpunim të ngushtë edhe me zona të tjera, duke përfshirë zonën e afërt të Shalës dhe të Karadakut,13 të cilat, nganjëherë, kanë qenë të vendosura në lokacione dhe kanë luftuar me ushtarët e OZ-së së Llapit,14 siç pasqyrohet në Ekspozita të propozuara që kanë të bëjnë, ndër të tjera, me kufizimet e lëvizjes, autorizimet e udhëtimit, trajnimin, strukturën, organizimin dhe ‘luftën speciale’”, është thënë në dokument.

Prokuroria përmend emrat e Latif Gashit, Nazif Mehmetit e personave të tjerë. Prokuroria ka përmendur rastin e ndalimit të Fadil Syleviqit, dhe gjithashtu funksionet e Policisë ushtarake.

“Policia ushtarake ishte përgjegjëse, ndër të tjera, për ekzekutimin e urdhrave të arrestimit, dërgimin e thirrjeve dhe ruajtjen e objekteve të paraburgimit.32 Ndër provat e propozuara janë urdhrat e policisë ushtarake, të lëshuara në përputhje me rregulloret e UÇK-së dhe/ose nën kërcënimin e forcës në rast mospërputhjeje. , ndër të tjera: (i) për bashkëpunëtorët që të ndalojnë aktivitetet e tyre, për shembull, ‘duke prerë fjalën për përfitime tregtare në bashkëpunim me autoritetet okupuese’; 33 (ii) për sigurimin e pasurisë, si armët, automjetet dhe radiot;34 dhe (iii) lidhur me ndalimin dhe lirimin”,

“Një sërë ekspozitash të propozuara kanë të bëjnë veçanërisht me arrestimin, marrjen në pyetje dhe ndalimin e bashkëpunëtorit të supozuar Fadil Syleviq. Komandanti Remi e autorizoi arrestimin e tij dhe e mori në pyetje. 41 Ndërsa një numër individësh, duke përfshirë Fadil Syleviq, u ndaluan në Bare dhe Bajgorë/Bajgora në gusht të vitit 1998,42 një delegacion i Shtabit të Përgjithshëm i përbërë, ndër të tjera, nga Hashim Thaçi, Rexhep Selimi dhe Jakup Krasniqi vizituan zonën e Llapit”, është thënë në dokument.

Në një pjesë përmendet Kadri Veseli e Rexhep Selimi.