Trajneri i Liverpoolit, Arne Slot, në prag të ndeshjes së radhës në Premier Ligë, atë ndaj Tottenham, ka folur për paraqitjet e deritanishme të skuadrës së tij. Ai komenton se nuk është aspak i befasuar që skuadra e tij po konkurron me sukses në të gjitha turnetë.

“Kjo është normale për një ekip si Liverpooli. Të luftosh për çdo trofe është pjese e historisë së këtij klubi. Për ne është e rëndësishme të shkojmë deri në fund të çdo turneu ku marrim pjesë”, ka thënë Slot.

“Nuk jam aspak i befasuar që po garojmë për katër trofe, por është një sfidë sepse kemi shumë konkurrencë me ekipet e tjera. Ne jemi kampionë në fuqi në Carabao Cup dhe duam ta mbrojmë këtë titull, por njëkohësisht duam të fitojmë kudo”, ka shtuar Slot. Skuadra e tij kryeson renditjen në Premier Ligë, por komandon edhe në Ligën e Kampionëve.